Futbola
Fitxaketa
Piquek Del Bosqueri: 'Cescek Bartzelona utziko du 33 milioiren truke'
Erredakzioa
Prentsaurreko bat hasi baino lehen mikrofonoek harrapatu zutenaren arabera, erdilariaren irteera itxita dagoela aitortu zion Bartzelonako jokalariak Del Bosqueri.
-
Pique eta Del Bosque, prentsaurrean / EFE.
Cescek Bartzelona utziko du 33 milioiren truke, Gerard Piquek Vicente del Bosqueri esan zionez, Espainiako selekzioaren prentsaurreko bat hasi baino lehen. Bion arteko elkarrizketa harrapatu ahal izan zuten mikrofonoek, ahoa estaltzen ari ziren arren.
"Cesc apur bat defendatu behar dugu. Eginda dagoela esan dit. Badoa, 33 milioiren truke", esan zion Piquek. "Atsekabeak baino ez dizkiozue emango presidenteari, arraioa. Gizajoa zoratuko duzue", erantzun zion Del Bosquek.
Cesc Fabregas Ingalaterrako Ligara itzuliko omen da, baina taldea ez da oraindik jakitera eman. Chelsea eta Manchester United ari dira fitxatzeko ahaleginak egiten.
