Futbola
Eurokopa, final-laurdenak
Frantziak amaiera eman dio Islandiaren ametsari (5-2)
Agentziak | Erredakzioa
Deschampen taldea jaun eta jabe izan da final-laurdenetako partidan eta finalerdietarako sailkatu da. Alemania izango dute aurkari, uztailaren 7an.
-
Frantziako jokalariak, Griezmannen gola ospatzen. Argazkia: Efe.
Frantziako selekzioa aise nagusitu zaio Islandiari (5-2) igande honetan eta Alemaniarekin neurtuko ditu indarrak Eurokopako finalerdietan. Islandiarrak Eurokopako ezustekoa eman dute, lehen aldiz jokatu dute nazioarteko txapelketa, eta final-laurdenetaraino iritsi dira.
Baina Frantzia islandiarrak baino gehiago izan da, eta atsedenaldirako Deschampen taldea 4 eta 0 izan da aurretik. Giroud, Pogba, Payet eta Griezmann jokalarien golek Islandiaren ametsa aldapan gora jarri dute.
Atsedenaldiaren ostean, Islandiak ohorez esan nahi izan dio agur txapelketari eta bi gol egitea lortu du, baina frantziarren aldea handiegia izan da. Frantziak Alemania izango du aurkari uztailaren 7ko finalerdian.
Ftxa teknikoa
5.-FRANTZIA: Lloris; Sagna, Umtiti, Koscielny (Mangala, 72. min), Evra; Pogba, Sissoko, Matuidi; Payet (Coman, 80. min), Griezmann eta Giroud (Gignac, 60. min).
2.-ISLANDIA: Halldórsson, Skúlason, Ragnar Sigurdsson, Árnason (Ingason, 46. min), Saevarsson, Gylfi Sigurdsson, Gunnarsson, Bjarnason, Gudmundsson, Bödvarsson (Finnbogason, 46. min) eta Sigthorsson (Gudjohnsen, 83. min).
GOLAK: 1 - 0, 13. min, Giroud. 2 - 0, 20. min, Paul Pogba. 3 - 0, 43. min, Payet. 4 - 0, 45. min, Griezmann. 4 - 1, 56. min, Sigthorsson. 5 - 1, 59. min, Giroud. 5 - 2, 84. min, Bjarnason.
France end Iceland's remarkable run to reach #EURO2016 semi-finals.#FRAISL pic.twitter.com/LNIeodVhTB
— UEFA EURO 2016 (@UEFAEURO) 3 de julio de 2016
