Futbola
Botatako lehen entrenatzailea
Adelante Liga: Tenerifek Gonzalo Arconada kargutik kendu du
Erredakzioa
Bere laguntzaileak izan diren Jose Ramon Eizmendik eta Sergi Perezek ere taldea uztiko dute. Momentuz, Alfredo Merino harrobiko taldeko entrenatzaileak zuzenduko du Tenerife.
CD Tenerife taldeko Zuzendaritza Batzordeak gaur eman du jakitera Gonzalo Arconadak ez duela entrenatzaile karguan jarraituko. Honen arrazoia taldearen denboraldi hasiera kaskarra da.
Arconadaren zuzendaritzapean Adelante Ligako lehen lau partidak galdu ditu Tenerifek eta Errege Kopatik at ere geratu dira kanariarrak. Hiru hilabete zeramatzan Arconadak Tenerifen. Jose Ramon Eizmedi eta Sergi Perez bere laguntzaileek ere taldea uztiko dute.
Entrenatzaile berri bila dabil Tenerife, baina momentuz Hirugarren Mailako harrobiko taldean dagoen Alfredo Merinok zuzenduko du lehen taldea. Laguntzaile lanetan Antonio Hernandez ''Toño'' ariko da.
