Futbola
52 puntu!
Bartzelona, neguko txapeldun marka guztiak hautsita
Erredakzioa
Barçak 52 punturekin, 17 garaipenekin, 60 golekin eta BBVA Ligako sailkapenean bigarren den Real Madrili lau puntu aterata amaitu du lehenengo itzulia.
Azken hiru denboraldietan hiru aldiz izan da neguko txapeldun Pep Guardiolaren taldea. Aurreko bi urteetan, liga amaieran ere txapeldunak izan ziren katalanak.
Real Madrilek Almerian bana berdindu ostean, Bartzelonak bazekin neguko txapeldun zela eta azkenean, lortutako garaipenarekin, lau puntutan jarri zuen aldea.
Bartzelonak lehenengo itzuli historikoa egin du 52 puntu lortuta. Iazko ligarekin alderatuta (Barçak 99 puntu lortuta eskuratu zuen liga) blaugranek marka guztiak hautsi dituzte: 52 puntu eskuratu dituzte, 17 partida irabazi (15 iaz) eta 60 gol egin (iaz 49).
