Futbola
FC Bartzelona
Carles Puyol: 'Mourinho entrenatzaile eta pertsona ona da'
A.B.
Erredakzioa
FC Bartzelonako kapitainak Real Madrileko entrenatzaileaz hitz egin du 'Maisfutebol' Portugalgo webgunean.
Mourinhoren inguruan honakoa esan zuen Puyolek: "Bartzelonan egon nintzen lehen urteetan ezagutu nuen Mourinho eta pertsona izateaz gainera entrenatzaile ona dela ere esan beharra dut". Gainera, Puyolek dio Mourinhoren kalitateak ez duela zalantzarik uzten "lortu dituen tituluek argi uzten dute bere kalitatea".
Cristiano Ronaldoren inguruan ere galdetu zioten Puyoli eta hitz onak izan zituen berarentzat ere. "Cristiano Ronaldo oso jokalari ona da, munduko onenetarikoa eta Real Madrileko jokalari onena", esan zuen Barçako jokalariak. Baina Puyolek argi dauka nor den jokalari onena: "Nire ustez Messi da guztietatik onena".
