3. Maila
IV. eta XV. multzoak
Hirugarren Maila: Sestaok lidergoa sendotu du Laudiori irabazita
A.B.
Erredakzioa
Bizkaitarrek 2-0 irabazi dute IV. multzoko bigarren sailkatuaren aurka eta lau puntura utzi dituzte arabarrak. XV. multzoan Tudelano geldiezin ari da.
IV. multzoan Sestao-Laudio zen jardunaldiko partida lehen sailkatua eta bigarrena elkarren aurka neurtu baitziren. Bizkaitarrek irabazi zuten 2-0 eta Riverrek (56 puntu) lidergoa sendotu zuen Laudio lau puntura utzita. Arabarrek bigarren postuan jarraitzen dute. Atzetik datozen Amorebietak eta Cultural Durangok ez zuten kale egin eta play-off postuetan mantentzen dira 49na punturekin. Amorebietak 3-1 irabazi zion Arenasi eta Culturalak garaipena lortu zuen (0-1) Santutxuren aurka.
Jaitsiera postuan daude: Amurrio (18. postua, 20 puntu), Elgoibar (19. postua, 20 puntu eta Aurrera de Vitoria (20. postua, 17 puntu).
XV. multzoan ez zen aldeketa gehiegirik egon. Tudelanok sendo jarraitzen du lehen postuan 63 punturekin eta asteburuan 5-0 jipoitu zuen Lagun Artea. Hamabi puntu atzerago dago Izarra bigarren postuan Pamplonari 3-0 irabazita. Kale gin zuten Valle Egues eta Mutilvera dira nahiz eta biek plan-off postuetan jarraitzen duten. Eguesekoek 0-1 galdu zuten eta 48 puntu dituzte. Mutilverak (41 puntu) 0-0 berdindu zuen Iruñaren aurka.
Lagun Artea (18. postua, 23 puntu), Ardoi (19. postua, 20 puntu) eta Peña Azagresa (20. postua, 12 puntu) daude jaitsiera postuetan.
