UEFA Europa League: Partida zailak Vila-realentzat eta Sevillarentzat

Ostegun honetan UEFA Europa Leagueko final-hamaseirenetako joaneko partida gehienak jokatuko dira. Asteartean jokatu zen lehen norgehiagoka eta Aris Thessalonikiren eta Manchester Uniteden artekoa 0-0eko emaitzarekin bukatu zen.

Sevilla eta Vila-real dira BBVA Ligako ordezkari bakarrak eta aurkari zailak egokitu zaizkie. Castelokoek Napoliren aurka jokatuko dute arratsaldeko 19:00etan. Italiarrak bigarren postuan daude Calcioan Milan liderrarengandik hiru puntura. Neguko merkatuan BBVA Ligako jokalari bat fitxatu zuten, Espanyoleko Victor Ruiz.

Bestalde, Sevillak Oporto izango du bisitari Sanchez Pizjuan zelaian (21:05ean). Portugaldarrak beraien herrialdeko Ligako liderrak dira eta 11 puntuko aldea dute bigarren sailkatua den Benficarekiko.

Final-hamaseirenetako partida erakargarrienak hauek dira: Anderlecht-Ajax (19:00etan), Benfica-Stuttgart (19:00etan), Lille-PSV Eindhoven (21:05ean) eta Rubin Kazan-Twente (13:00ean). Azken partida honetan Txapeldunen Ligako multzoko fasea jokatu zuten bi talde ariko dira nor baino nor.

Final-hamaseirenetako joaneko partidak:

15/02 18:00 Aris Thessaloniki FC 0 - 0 Manchester City FC (Amaiturik)
17/02 13:00 FC Rubin Kazan 0- FC Twente 2 (Amaiturik)
17/02 17:00 FC Metalist Kharkiv - Bayer 04 Leverkusen
17/02 19:00 SL Benfica - VFB Stuttgart
17/02 19:00 SSC Napoli - Villarreal CF
17/02 19:00 RSC Anderlecht - AFC Ajax
17/02 19:00 KKS Lech Poznan - SC Braga
17/02 19:00 Besiktas JK - FC Dynamo Kyiv
17/02 19:00 FC BATE Borisov - Paris Saint-Germain FC
17/02 21:05 AC Sparta Praha - Liverpool FC
17/02 21:05 FC Basel 1893 - FC Spartak Moskva
17/02 21:05 BSC Young Boys - FC Zenit
17/02 21:05 Sevilla FC - FC Porto
17/02 21:05 LOSC Lille Metropole - PSV Eindhoven
17/02 21:05 Paok FC - PFC CSKA Moskva
17/02 21:05 Rangers FC - Sporting Clube