UEFA Europa League: Itzulerako partidak, asteartetik ostegunera artean

Asteartean arratsaldeko 18:00etan CSKA Moskuk Paoken aurka jokatuko du. Errusiarrek 0-2 irabazi zuten joaneko partida. Asteazkenean ere norgehiagoka bakarra jokatuko da. Sevillak Portugalen jokatuko du Portoren aurka arratsaldeko 18:00etan. Portugaldarrek 1-2 irabazi zuten Sanchez Pizjuanen jokatu zen joaneko partida.

Gainontzeko partidak ostegunean jokatuko dira. Interesgarrienetako bat Vila-realek eta Napolik Madrigalen (21:05ean) jokatuko dutena da. Italian jokatutako joaneko partidan 0-0ekoa izan zen emaitza.

Twentek, Ajaxek eta Bayern Leverkusenek ia ziurtatuta dute final-zortzirenetarako txartela. Holandako txapeldunak 0-2 irabazi zion Rubin Kazani, Ajaxek 0-3 gainditu zuen Anderlecht Bruselasen eta Leverkusenek 0-4 irabazi zion Metalist Kharkiv. Dynamo Kievek ere bideratuta du kanporaketa Besiktasi 1-4 irabazi baitzion Turkian.

Bazirudien talde batzuk ez zutela estuasunik pasako final-hamaseiren hauetan, baina ez da hala gertatzen ari. Adibidez, Manchester Cityk 0-0 berdindu zuen Aris Thessalonikiren aurka eta etxean irabaztera behartuta daude. Liverpoolek ere golik gabe berdindu zuen (0-0) Sparta Praharen aurka eta Anfielden erabaki beharko du kanporaketa.

Beste kanporaketa azpimarragarri eta berdindu batzuk ere badaude. PSV Eindhoven-Lille partida ikusgarria izan daiteke. Holandarrek abantaila txikia dute Frantzian 2-2 berdindu baitzuten. Sporting Clubek ere 1-1 berdindu zuen Eskozian Rangersen aurka eta noreghiagoka polita ikus daiteke. Benficak ere emaitza ona lortu zuen Stuttgarten aurka etxean 2-1 irabazita, baina Alemanian gogotik saiatuko da Stuttgart. Alemaniarrek etxetik kanpo sartutako golari etekina atera diezaiokete.

Final-hamaseirenetako itzulerako partidak:

22/02 18:00 PFC CSKA Moskva -Paok FC (joanekoa 1-0)
23/02 18:00 FC Porto - Sevilla FC (joanekoa 2-1)
24/02 19:00 Liverpool FC - AC Sparta Praha (joanekoa 0-0)
24/02 19:00 FC Spartak Moskva -FC Basel 1893 (joanekoa 3-2)
24/02 19:00 FC Zenit - BSC Young Boys (joanekoa 1-2)
24/02 19:00 PSV Eindhoven - LOSC Lille Métropole (joanekoa 2-2)
24/02 19:00 Bayer 04 Leverkusen - FC Metalist Kharkiv (joanekoa 4-0)
24/02 19:00 Sporting Clube - Rangers FC (joanekoa 1-1)
24/02 21:05 Manchester City FC - Aris Thessaloniki FC (joanekoa 0-0)
24/02 21:05 VFB Stuttgart - SL Benfica (joanekoa 1-2)
24/02 21:05 Villarreal CF - SSC Napoli (joanekoa 0-0)
24/02 21:05 AFC Ajax - RSC Anderlecht (joanekoa 3-0)
24/02 21:05 SC Braga - KKS Lech Poznan (joanekoa 1-0)
24/02 21:05 FC Dynamo Kyiv - Besiktas JK (joanekoa 4-1)
24/02 21:05 Paris Saint-Germain FC - FC BATE Borisov (joanekoa 2-2)
24/02 21:05 FC Twente - FC Rubin Kazan (joanekoa 2-0)