Futbola
Zozketa
Kopako hurrengo kanporaketen neurketak ditugu jada
EITB.EUS
Errege Kopan, Athleticek Sevilla hartuko du eta Reala Betisen aurka lehiatuko da. Erreginaren Kopako final-laurdenetan, berriz, Atleticoren aurka arituko da Athletic eta Rayoren aurka Reala.
-
Betis - Realaren artxiboko argazkia. EFE
Errege Kopako, Erregina Kopako eta Federazio Kopako zozketak egin dira ostegun honetan, eta era honetan geratu dira kanporaketak:
Errege Kopako final-zortzirenak:
Real Madril - Leganes
Getafe - Valladolid
Betis - Reala
Levante - Bartzelona
Sporting de Gijon - Valentzia
Athletic - Sevilla
Girona - Atletico
Vila-real - Espanyol
Datei dagokienez, joaneko partidak urtarrilaren 9an izango dira eta itzulikoak 16an.
Erregina Kopako final-laurdenak:
Madril - Bartzelona
Reala - Rayo Vallecano
Athletic - Atletico
Levante - Sevilla
Azpimarragarria dugu Erregina Kopako final-laurdenetako kanporaketak partida bakarrera jokatuko direla, urtarrilaren 30ean.
Halaber, Federazio Kopan honako hauek izango dira euskal taldeen kanporaketak: Barakaldo - Mirandes eta Peña Sport - Real Union. Aipatu kanporaketen norgehiagokak urtarrilaren 10ean eta 24an lehiatuko dira.
