Futbola
Hernia diskala
Guardiolak ospitaleratuta jarraitzen du
Erredakzioa
Gauzak horrela, zaila izango du Barçako entrenatzaileak larunbateko Zaragozaren kontrako partidarako prest egotea (20:00).
FC Bartzelonako Josep Guardiola entrenatzaileak hernia diskala dauka eta ospitaleratuta dago bere osasun egoerak hobera egin arte. Hasiera batean lunbalgia zuela jakinarazi zuten Barçako medikuek baina ospitalean egin dizkioten probek hernia duela baieztatu dute.
Tratamendu farmakologikoa eta epidurala eman dizkiote eta oraingoz ez diote ebakuntzarik egingo. Gauzak horrela, zaila izango du Guardiolak larunbateko Zaragozaren kontrako partidarako prest egotea.
