Futbola
BBVA Liga
Real Madril-Malaga, (7-0): Mourinhok 'jipoitu' egin du Pellegriniri
A.B.
Erredakzioa
Talde madrildarrak erraz gainditu ditu andaluziarrak eta liderra den Bartzelonarengandik zazpi puntura jarraitzen dute. Cristiano Ronaldok hat-tricka lortu du.
Real Madrilek jipoi galanta eman dio gaur gauean Malagari Santiago Bernabeu futbol zelaian. Madrildarrek 7-0 irabazi dute.
Astean zehar, Real Madrileko entrenatzaile ohia izan zen eta orain Malaga zuzentzen duen Manuel Pellegriniren eta gaur egun madrildarren entrenatzailea den Jose Mourinhoren artean adierazpen zitalak egon ziren. Batak bestea baino hobea zela zihoen eta besteak alderantziz. Bada, zelaian hitz egiteko unea iritsi zen 22:00etan eta partida honetan Mourinhok jipoia eman zion Pellegriniri.
Benzemak (1-0), Di Mariak (2-0) eta Marcelok (3-0) sartu zituzten atsedenaldiaren aurretik. Bigarren zatian hat tricka lortu zuen Cristiano Ronaldok (4-0, 6-0 eta 7-0) eta Benzemak 5-0ekoa sartu zuen. Azkenean, Real Madrilek 7-0 irabazi zuen eta merengeek Bartzelona liderrarengandik zazpi puntura jarraitzen dute sailkapenean.
Fitxa teknikoa:
7 - Real Madril: Iker Casillas; Sergio Ramos, Raul Albiol, Carvalho, Marcelo; Lass, Xabi Alonso (Gago, 55''); Di Maria (Adebayor, 55''), Özil (Canales, 63''), Cristiano Ronaldo; eta Benzema.
0 - Malaga: Caballero; Manolo Gaspar, Demichelis (Kris, 64'') Weligton, Manu Torres; Sandro Silva; Fernando, Owusu-Abeyie (Cala, 67''), Camacho, Eliseu; Quincy eta Juanmi (Seba, 64'').
Golak:
1-0, 27'': Benzema.
2-0, 36'': Di María.
3-0, 45'': Marcelo.
4-0, 51'': Cristiano.
5-0, 63'': Benzema.
6-0, m.66: Cristiano.
7-0, 77'': Cristiano.
