Futbola
CR7 eta Guardiolaren gainetik
Leo Messi eta Jose Mourinho, diru gehien irabazten dutenak
Andoni Beldarrain
Erredakzioa
Argentinarrak 31 milioi irabazi zituen 2010ean fitxa, gainsariak eta beste kontratu batzuk kontutan hartuta. 'Mou'k 13,5 milioi irabazi zituen. CR7ren eta Guardiolaren gainetik dira sailkapen honetan.
Messik 31 milioi euro irabazi zituen Bartzelonak ordaintzen dion fitxa (11, 5 milioi) eta beste era bateko kontratuak (20 milioi) kontutan hartuta, hau da, publizitatea, babesleak eta era horietako kontratuengatik. Bigarren postua Cristiano Ronaldorentzat da. Portugaldarrak 27,5 milioi euro irabazi zituen. Real Madrilek 13,5 milioiko fitxa ordaintzen dio eta 14 milioi ateratzen ditu beste era batzuetako kontratuekin. Hirugarren tokian Wayne Rooney dago. Manchester Unitedeko jokalariak 20,7 milioi euro irabazi zituen 2010ean. Manchesterrek 13,7ko fitxa ordaindu zizikion eta publizitateagatik 7 milioi euro eskuratu zituen. Laugarren postua Kakarentzat da (19,3 milioi) eta bosgarrenean David Beckham dago (19 milioi).
Entrenatzaileei dagokienean Jose Mourinho izan zen 2010ean ondoen ordaindutako entrenatzailea. Portugaldarrak 13,5 milioi euro irabazi zituen eta sailkapen honetako lehen postuan dago. Bigarren tokia Pep Guardiolarentzat da 10,5 milioi eurotako irabaziekin eta Rafa Benitez dago hirugarren postuan 10,2 milioi irabazi zituelarik. Fabio Capellok (8,5 milioi) eta Sir Alex Fergusonek (6,9 milioi) osatzen dute ondoen ordaindutakoen ''Top 5''a.
