3. Maila
XV. eta IV. multzoak
Hirugarren Maila: Tudelano, txapeldun izendatzetik puntu bakarrera
A.B.
Erredakzioa
XV. multzoko liderrak 1-1 berdindu zuen Cirboneroren aurka eta 15 puntu ateratzen dizkio bigarren sailkatuari. IV. multzoan Amorebietak lidergoari eutsi dio.
XV. multzoan Tudelanori puntu bakarra falta zaio liga txapelketa irabazteko. 1-1 berdindu zuen Cirboneroren aurka eta 15 puntura du bigarren sailkatua den Izarra. Hauen aurkako partida jokatzeke dago eta horregatik oraindik ez da txapelduna Tudelano. Izarrak 4-1 irabazi zion ardoiri eta bigarren postuan tinko jarraitzen du 68 punturekin. Valle Eguesek 1-1 berdindu zuen San Juanen aurka eta hirugarren postuan jarraitzen du. Laugarren postua eskuratzeko lehia oso estua da. Puntuetara berdinduta (55 puntu) daude Txantrea (laugarren postuan) eta Mutilvera (bosgarren). Biek beraien partidak irabazi zituzten eta guztiak berdin jarraitzen du.
Lagun Artea-Idoya partida bertan behera geratu zen Lagun Arteako presidentearen eriotzagatik.
Peña Azagresa (azken sailkatua, 22 puntu), River Ega (19. postua, 27 puntu) eta Lagun Artea (18. postua, 31 puntu) daude jaitsiera postuetan.
IV. multzoan Amorebietak 1-1 berdindu zuen Santutxuren aurka eta lidergoari eutsi zioten. Bi puntu gutxiagorekin Sestao dago bigarren postuan. Riverrek 3-0 irabazi zion azken sailkatua den Aurrera Vitoriari. Sestao taldearen auzokideek, Portugaletek, mesede galanta egin zien. Ordura arte bigarren postuan zen Laudiori (63 puntu) 1-4 irabazi baitzioten Riverren mesederako. Cultural Durangok partida zaila izan zuen laugarren posturako borrokari begira. Durangarrak laugarren postuan ziren eta bosgarren sailkatua den Beasain zuten aurkari. 1-1 berdindu zuten eta bizkaitarrek bost puntura mantentzen dute bosgarren postuan den talde gipuzkoarra.
Santurtzi (18. postua, 31 puntu), Amurrio (19. postua, 27 puntu) eta Aurrera Vitoria (azken sailkatua, 24 puntu) daude jaitsiera postuetan.
33. jardunaldiko emaitzak XV. multzoan:
CD Iruña 0 - 1 CD Oberena
UD Mutilvera 3 - 0 CD River Ega
CD Aoiz 3 - 2 CD Murchante
UDC Txantrea 3 - 1 CD Aluvión
CD Valle de Egüés 1 - 1 AD San Juan
CD Huarte 1 - 2 CD Lourdes
CD Peña Azagresa 1 - 1 CD Pamplona
CD Lagun Artea Apla. CD Idoya
CD Tudelano 1 - 1 CA Cirbonero
CD Izarra 4 - 1 CD Ardoi
33. jardunaldiko emaitzak IV. multzoan:
Zarautz KE 1 - 2 CD Lagun Onak
Santutxu FC 1 - 1 SD Amorebieta
CD Santurtzi 1 - 1 CD Basconia
SCD Durango 1 - 1 SD Beasain
SD Gernika Club 0 - 1 Arenas Club
Sestao River Club 3 - 0 CD Aurrera
Amurrio Club 3 - 0 SD Leioa
CD Laudio 1 - 4 Club Portugalete
Zalla UC 2 - 0 CD Elgoibar
SD Eibar -B- 1 - 0 Zamudio SD
