Hirugarren Maila: Amorebieta, Laudio, Sestao eta Cultural play-offetan

IV. multzoan erabakita dago zein lau taldek jokatu duten Bigarren B Mailarako igoera play-offa. Amorebietak, Laudiok, Sestaok eta Cultural Durangok ziurtatuta dute igoera fasea jokatzea. Argi ez dagoena da zein postutan bukatuko duten liga. Momentuz, Amorebieta liderra da 77 punturekin, Laudio dago bigarren 72 punturekin, hirugarren postua Sestaorena da 70 punturekin eta laugarren postuan Cultural Durango dago 68 punturekin.

Jaitsierako postua bat ere erabakita geratu da multzo honetan. Aurrera Vitoriak maila galdu du 28 puntu soilik baititu. Amurriok, Elgoibarrek, Santurtzik eta Eibar Bk borrakatuko dute azken bi jardunaldi hauetan maila mantentzeagatik. Barakaldo mailaz jaitsi da eta ez bada IV. multzotik talderik igotzen Bigarren B Mailara atzetik hasita laugarren sailkatuak ere maila galduko du.

XV. multzoan ere hiru taldek matematikoki ziurtatuta dute igoerako play-offak jokatzea: Tudelano, Izarra eta Valle Egues dira talde horiek. Tudelanok lidergoan bukatuko du liga 87 puntu baititu. Izarrak bigarren postuan bukatuko du 77 puntu dauzkalako eta Valle Eguesek hirugarren postuan bukatuko du liga 66 puntu baititu. Laugarren posturako lehian talde ugari daude. Momentuz, Mutilverak (60 puntu) betetzen du igoera fasea jokatzeko eskubidea ematen duen azken postua. Baina Txantreak (bosgarren sailkatua 59 punturekin), Iruñak (seigarren sailkatua 58 punturekin) eta San Juanek (zazpigarren sailkatua 55 punturekin) laugarren postua eskuratzeko aukerak dituzte oraindik.

Peña Azagresak (22 puntu) eta River Egak (27 puntu) maila galdu dute jada. Sei puntu daude jokoan oraindik eta lau talde ariko dira maila mantentzeko borrokan: Ardoi (34 puntu), Lagun Artea (37 puntu), Aluvion (37 puntu) eta Idoya (38 puntu).

36. jardunaldiko emaitzak IV: multzoan:

Zamudio SD 1 - 0 CD Lagun Onak
Arenas Club 0 - 1 SCD Durango
SD Amorebieta 1 - 0 SD Eibar -B-
CD Basconia 5 - 3 SD Gernika Club
SD Beasain 1 - 1 Club Portugalete
Amurrio Club 1 - 1 Sestao River Club
CD Santurtzi 0 - 1 Zarautz KE
SD Leioa 3 - 1 Santutxu FC
CD Elgoibar 0 - 2 CD Laudio
CD Aurrera 1 - 3 Zalla UC

36. jardunaldiko emaitzak XV: multzoan:

CD Oberena 1 - 0 CD Huarte
CD Ardoi 0 - 0 UDC Txantrea
CD Lourdes 0 - 1 CD Pamplona
AD San Juan 0 - 0 CD Iruña
CD Valle de Egüés 0 - 0 CD Tudelano
CD River Ega 0 - 1 CD Idoya
CD Murchante 3 - 0 CD Lagun Artea
CD Aluvión 0 - 1 UD Mutilvera
CA Cirbonero 2 - 1 CD Aoiz
CD Izarra 4 - 1 CD Peña Azagresa