Futbola
Luis Enriquek uko egin dio Espainiako hautatzailea izateari
AGENTZIAK | ERREDAKZIOA
Familia-arazo larri bat tarteko utzi du kargua, eta orain arte bere ordezko lanetan ibili den Robert Morenok hartuko du haren lekua.
-
Luis Enrique. Artxiboko argazkia
Luis Enriquek uko egin dio Espainiako selekzioko entrenatzailea izateari, familia-arazo larri batek behartuta, karguan 11 hilabete eman ostean. Hala jakinarazi dio teknikari asturiarrak Espainiako Futbol Federazioari.
Erabaki horren berri Luis Rubiales Federazioko presidenteak eta Jose Francisco Molina kirol-zuzendariak eman dute prentsaurreko baten bidez, asteazken honetan. Azaldu dutenaren arabera, orain arte Luis Enriqueren laguntzailea izan den Robert Morenok hartuko du hark utzitako lekua.
Morenok dagoeneko hiru aldiz zuzendu du Espainiako selekzioa Luis Enriqueren faltan: Maltaren (0-2), Faroe uharteen (1-4) eta Suediaren (3-0) aurka, hain zuzen ere. Hartara, 2020ko Eurokopa txapelketan izateko sailkapen-faseari dagozkion hiru neurketa horietan garaipenak erdietsi ditu.
