Futbola
Errege Kopa 1/8
Final-laurdenak, 16 talderen jomuga
EITB.EUS
Tenerife-Athletic kanporaketa gaur 21:00etan jokatuko da. Realaren eta Osasunaren arteko euskal derbia, aldiz, asteazkenean jokatuko dute, ordu berean.
-
Osasuna-Reala. Argazkia: EFE
Gaur Errege Kopako final-zortzirenen kanporaketak martxan jarriko dira, Tenerife-Athletic norgehiagokarekin. Heliodoro Rodriguez Lopez futbol-zelaiak hartuko duen partida 21:00etan hasiko da.
Reala-Osasuna euskal derbia asteazkenean jokatuko da eta Reale Arenako neurketa ere 21:00etatik aurrera abiatuko da.
Partida bakarreko kanporaketak izango dira berriro, maila baxuagoan dagoen taldearen futbol-zelaian eta finalerdietara arte prozesu bera jarraituko da. Maila berekoak direnean, bolen ateratzearen ordenaren arabera jokatuko da zelai batean edo bestean.
Final-laurdenak otsailaren 5ean jokatuko dira.
PARTIDA GUZTIEN ORDUTEGIAK:
Urtarrilak 28, asteartea
Tenerife - Athletic (21:00)
Urtarrilak 29, asteazkena
Cultural Leonesa - Valentzia (19:00)
Rayo Vallecano - Vila-real (19:00)
Badajoz - Granada (21:00)
Zaragoza - Real Madril (21:00)
Reala - Osasuna (21:00)
Urtarrilak 30, osteguna
Bartzelona - Leganes (19:00)
Mirandes - Sevilla (21:00)
