Futbola
De Guzman, Vila-realera
BBVA Liga: Mugimendu ugari fitxaketen merkatuaren itxieran
Andoni Beldarrain
Erredakzioa
Pedro Leonek Getafen jokatuko du, Diego Atletico Madrilek fitxatu du eta De Guzman Vila-realeko jokalaria da. Artetak Arsenalen jokatuko du eta Forlan Interren arituko da.
-
Betisek Santa Cruz aurrelaria fitxatu du. Argazkia: EFE
Adibidez, asko mugitu dena Atletico Madril izan da. Orain egun batzuk Falcao fitxatu ostean orain Diego brasildarra fitxatu du Wolfsburgetik eta Pizzi Sporting Bragatik.
Real Madrilen ere mugimendu batzuk egon dira. Pedro Leonek Getafen jokatuko du denboraldi hau utzita, baina datorren urtean Angel Torresen taldeak 7 milioi eurogatik fitxatu beharko du erdilaria. Fernando Gago eta Drenthe taldetik irten dira. Gagok Roman jokatuko du utzita eta talde italiarrak erosteko aukera gordeko du. Drenthe dohan joan da Evertonera.
Betis eta Granada ere indartu dira merkatu amaiera honetan. Betisek Santa Cruz (Manchester City) eta Dusko Tosic (Estrella Roja) fitxatu ditu. Bestalde, Granadan jokatuko dute jokalari hauek: Franco Jara (Benfica) eta Ikechukwu Uche (Zaragoza) utzita eta Moises Hurtado (Olympiakos).
Mallorcara utzita dator Fernando Tissone (Sampdoria) eta Ogunji mi (Genk) fitxatu du, baina De Guzman galdu du Laudrupen taldeak. Vila-realek fitxatu du De Guzman. Racingen Bernando (Sevilla) ariko da utzita eta Espanyolek Romaric Sevillatik utzita etortzea lortu du. Talde katalanak, ordea, Luis Gracia galdu du. Aurrelaria Zaragozak fitxatu du. Talde mañoak Barrera (West Ham) eta Helder Postiga (Sporting Portugal) ere fitxatu ditu.
Valentzian jokatuko dutenak Victor Ruiz (Napoles) eta Barragan (Valladolid) dira. Talde valentziarretik irten da Vicente Brightonen jokatzeko. Azkenik, Rayo Vallecanok Raul Bravoren (Olympiakos) itxi du.
Nazioarteko merkatuan aipatu beharra dago Diego Forlan Internazionale Milaneko jokalaria dela eta Arsenalek Mikel Arteta euskal erdilaria fitxatu duela.
Fitxaketen merkatuko azken egunotako mugimenduak:
Atletico de Madrid: Pizzi (Braga) eta Diego (Wolfsburgo)
Betis: Santa Cruz (Manchester City) y Dusko Tosic (Estrella Roja)
Getafe: Rubén Pérez (Deportivo) eta Pedro León (Real Madrid)
Granada: Franco Jara (Benfica), Moises Hurtado (Olympiakos) eta Uche (Zaragoza)
Mallorca: Tissone (Sampdoria) eta Ogunji mi (Genk)
Racing: Bernardo (Sevilla)
Rayo Vallecano: Raul Bravo (Olympiakos)
Valencia: Victor Ruiz (Nápoles) eta Barragan (Valladolid)
Villareal: De Guzman (Mallorca)
Zaragoza: Helder Postiga (Sporting Portugal), Barrera (West Ham) eta Luis Gracia (Espanyol).
Nazioarteko merkatua:
Arsenal: Arteta (Everton)
Brighton: Vicente (Valencia)
Everton: Drenthe (Real Madrid)
Olympiakos: Pablo Orbaiz (Athletic Club)
AS Roma: Fernando Gago (Real Madrid)
