Publizitatea
Itxi

2021/01/20

19:28

Futbola

2024ra arte

Olympique Lyonek Damaris Egurrola fitxatu du

A. B. | EITB Media

Klub frantziarrak jakinarazi duenez, jokalariak 2024ko ekainaren 30era arte sinatu du kontratua. Damaris Evertonetik heldu da Olympique Lyonera.

  • Damaris Egurrola

    Damaris Egurrola, Olympique Lyoneko jokalaria. Argazkia: @OLfeminin

  • Whatsapp
  • Whatsapp
  • Telegram
  • Bidali

Olympique Lyonek Damaris Egurrola fitxatu du, Evertonetik. Klub frantziarrak jakinarazi duenez, Damarisek 2024ko ekainaren 30era arte sinatu du kontratua.

Athleticen harrobiko futbolaria 1999an jaio zen, eta 16 urterekin egin zuen debuta Athleticen lehen taldearekin, 2016an Ligako txapeldun izanda. Talde zuri-gorrian 113 partida jokatu zituen, 5 gol sartuta, eta bost denboraldiren ostean, Evertonek fitxatu zuen 2020an.

"Eskerrik asko denagatik! Etxean bezala sentiarazi ninduzuen lehen egunetik, niretzat herrialdea, hiria eta taldea berriak ziren arren. Eroso sentitu nintzen. Hilabete hauek sinestzinak izan dira niretzat. Talde honetan jokatzeko aukera izan dut, Goodisenen debuta egiteko aukera, derbia jokatzekoa, eta Wembleyn final bat jokatu ahal izan dut, besteak beste. Hainbeste gauza, horren denbora gutxian. Ez dut aukerarik izan zaleak harmailetan zeudela jokatzeko, baina haien babesa sentitu dut iritsi nintzen lehen egunetik", esanez agurtu da Damaris Egurrola.

  • Bisitatuena

      Kargatzen ikusiena
      Kargatzen ikusiena