Europa League: Atletico Madril, final-hamaseirenetan

Atletico Madrilek Europa Leagueko final-hamaseirenetarako txartela lortu du Celticen etxean, Celtic Parken, 0-1 irabazita. Tottenhamek, ordea, ezustean galdu zuen Salonicako PAOKen aurka (1-2) eta kostata eskuratuko du sailkapena. Udinesek hutsean egin zuen Rennesekin eta txartela Celticen aurka izango du jokoan hurrengo partidan.

G multzoan, Ukrainiako Metalist final-hamaseirenetan izango da Austria Vienari 4-1 irabazita: Malmoek eta AZ Alkmaarrek hutsean berdindu zuten. Azken jardunaldian elkarren aurka jokatuko dute.

H multzoan Brujasen susperraldia izan zen albiste. 3-0 galtzen ari zen Mariborren aurka eta azkenean 3-4 irabazi zuen. Portugalen, bestalde, Birmingham hartu zuen mendean Bragak eta azken jardunaldian Portugalgo taldeak eta Brujasek berdintzekotan, biak sailkatuko dira.

PSV Eindhovenek txartela ziurtatu zuen C multzoan Legia Varsoviari 0-3 irabazita. Azken honek, eta Rapiden porrotari esker, zuzenean lortu du sailkapena.

Azkenik, B multzoan, lidergoa helburu zuen partidan Standarrek Hannover 96 gainditu (2-0). Copenhaguek bana egin zuen Vorskla taldearekin eta Danimarkako taldea hirugarren da. Ezinezkoa dute sailkapena lortzea.

Asteazkeneko emaitzak:

Rubin Kazan - Shamrock Rov 4-1
Tottenham H. - PAOK Salonica 1-2
Standard Lieja - Hanover 96 2-0
Vorskla Poltava - FC Copenhague 1-1
Rapid Bucarest - Hapoel Tel Aviv 1-3
Legia Varsovia - PSV 0-3
Malmoe - AZ Alkmaar 0-0
Metalist Jarkov - Austria Viena 4-1
Maribor - Brujas 3-4
Sp. Braga - Birmingham City 1-0
Rennes - Udinese 0-0
Celtic Glasgow - Atletico 0-1