Publizitatea
Itxi

2021/03/03

23:50

Futbola

Errege Kopa

Bartzelonak finalerako txartela eskuratu du Sevilla mendean hartuta

A. B. | EITB Media

Barçak 3-0 irabazi dio Andaluziako taldeari Errege Kopako finalerdietako itzuliko partida. Sevilla 2-0 nagusitu zen joanekoa, baina Kataluniako taldeak kanporaketa gainditu du.

Bartzelona - Sevilla
  • Whatsapp
  • Whatsapp
  • Telegram
  • Bidali

Bartzelonak Errege Kopako finalerako txartela lortu du, finalerdietako itzuliko partidan Sevilla 3-0 garaituta. Andaluziako taldeak irabazi zuen joaneko neurketa (2-0), baina, itzuliko partidako emaitzaren ondorioz, finaletik kanpo geratu da.

Dembelek sartu du norgehiagokako lehen gola (1-0), 12. minutuan. Ondoren, Bartzelona izan da baloiaren jabe, baina 75. minutuan Ocamposek penaltia huts egin du eta 90. minutuan jokalari bat gutxiagorekin geratu da, Fernandok bigarren txartel horia ikusi baitu. Gainera, Barçak gola sartu du 93. minutuan; Piquek sare barrura (2-0) errematatu du baloia Griezmannen erdiraketaren ostean. Ondorioz, luzapenean erabaki behar izan da partida.

Luzapenean, nagusi izan da Bartzelona, eta Braithwaitek 3-0ekoa sartu du. Hala ere, neurketaren azken txanpan, Lenglet Bartzelonako jokalariak eskuarekin jo du baloia area barruan, Sevillak penaltia eskatu du, baina epaileak ez du penaltirik adierazi. Amaieran, Bartzelona garaile: 3-0.

Fitxa teknikoa:

Bartzelona: Ter Stegen; Dest (Griezmann, 63. min), Pique, Lenglet, Mingueza (Junior, 78. min), Jordi Alba; Busquets (Ilaix Moriba, 78. min), De Jong, Pedri (Braithwaite, 89. min); Messi eta Dembele (Trincao, 89. min).

Sevilla FC: Vaclik; Aleix Vidal (Navas, 54. min), Kounde, Diego Carlos, Acuña (Rekik, 54. min); Jordan (Munir, 106. min), Fernando, Oliver Torres (Ocampos, 62. min); Suso (Papu Gomez, 79. min), En-Nesyri eta De Jong (Rakitic, 54. min).

Golak: 1-0, 12. min, Dembele; 2-0, 93. min, Pique; 3-0, 95. min, Braithwaite.

Árbitro: Sanchez Martinez. Txartel horiak atera dizkie Mingueza (67. min), Messi (73. min) eta Trincao (120. min) Bartzelonako jokalariei, eta Fernando (37. min eta 92. min), Jordan (100. min), Kounde (101. min) eta En-Nesyri (103. min) Sevillako futbolariei.

  • Bisitatuena

      Kargatzen ikusiena
      Kargatzen ikusiena