Futbola
Hil ala bizi
Afrikako Kopako final-laurdenak, hastear
Erredakzioa
Larunbatean Zambia-Sudan eta Ekuatore Ginea-Boli Kosta partidak jokatuko dira, eta igandean Gabon-Mali eta Ghana-Tunisia.
-
Tunisiako jokalariak Euskal selekzioaren kontrako partidan. Argazkia: EFE
Afrikako Kopa azken txanpara heldu da, final-laurdenetako kanporaketara. Oraindik bizirik dauden zortzi taldeen artean, Gabon eta Ekuatore Ginea anfitrioiez gain, hiru talde faboritoak ere badaude, Boli Kosta, Mali eta Ghana.
Larunbat honetan, Zambia-Sudan eta Ekuatore Ginea-Boli Kosta partidak jokatuko dira. Azken norgehiagoka horretan, anfitrioietako batek Didier Drogbaren eta Toure Yayaren taldea mendean hartu nahi du, finalerdietara heltzeko.
Igandean, geratzen diren bi partidak jokatuko dira: Gabon-Mali eta Ghana-Tunisia. Beste anfitrioiak Mali Seydou Keita Bartzelonako jokalariaren taldeari irabazten saiatuko da, Pierre Emerick Aubameyang Saint Ettieneko jokalariaz baliatuta.
