Futbola
Liderrak ez du ezustekoa nahi
Real Madrilek ezin du Vila-realen aurka kale egin
Erredakzioa
Talde zuriak hiru puntuak eskuratu behar ditu Bartzelona sailkapenean zortzi puntura mententzeko. Mourinhok deialditik at utzi ditu Coentrao eta Albiol eta Carvalho lesionatu egin da.
-
Marcelo. Argazkia: EFE
Real Madrilek ez du ezustekorik nahi Vila-realen aurka eta horretarako Miguel Angel Lotinaren talde horia gainditu beharko dute Mourinhoren mutilek. Entrenatzaile bizkaitarrak talde horiko aulkian emango duen aurreneko neurketa izango da. Vila-realek jaitsiera postuetatik ihes egin behar du eta ligako lideraren aurka ezustekoa ematea izango da helburua.
Madrilgo taldeak hiru puntuak bai ala bai behar ditu, Bartzelona zortzi puntura mantentzeko. Guardiolaren mutilak 5 puntura gelditzen badira BBVA Liga asko estutuko litzateke. Hori dela eta, Mourinhok erasotzailez betetako hamaikakoa jarriko du Madrigalen.
Coentrao eta Albiol deialditik kanpo utzi ditu Jose Mourinhok eta Carvalho lesionatu egin da. Gainera Angel Di Mariak sendatze lanak egiten jarraitzen du.
