Futbola
1-1, Madrilgalen
Vila-realen eta Real Madrilen arteko berdinketak Liga piztu du
Erredakzioa
Lotinaren taldearen aurka 1-1 berdindu zuten zuriek eta Bartzelona atzetik sei puntura jarri da sailkapenean. Mourinhok, Ozilek eta Sergio Ramosek txartel gorriak ikusi zituzten.
-
Real Madril. Argazkia: EFE
Fitxa teknikoa:
1 - Vila-real: Diego Lopez, Mario, Zapata, Musacchio, Joan Oriol, Bruno Soriano, Angel (Martinuccio, 68. minutuan), Cani (Camuñas, 61. minutuan), Marcos Senna, Nilmar eta Marco Ruben (De Guzman, 61. minutuan).
1 - Real Madril: Casillas, Arbeloa, Pepe, Sergio Ramos, Marcelo, Lass (Callejon, 29. minutuan), (Altintop, 46. minutuan) Khedira, Xabi Alonso, Ozil, Cristiano Ronaldo eta Benzema (Higuain, 77. minutuan).
Golak: 0-1, 62. minutuan: Cristiano Ronaldo. 1-1, 83. minutuan: Marcos Senna.
Epailea: Paradas Romero. Vila-real taldeko Nilmar, Ruben, Mario, Angel eta De Guzman eta Real Madrileko Lass, Xabi Alonso, Pepe eta Khedira txartel horiarekin zigortu zituen. Sergio Ramosi eta Ozili txartel gorria atera zien (83. minutuan). Gainera Rui Fariaeta Jose Mourinho kanporatu zituen Real Madrileko aulitik.
Atzerapausoa eman zuen Real Madrilek Madrigalen eta Bartzelona sei puntura jarri da sailkapenean. Mourinhoren mutilek neurketaren kontrola izan zuten, baina Marcos Sennaren golak taldea nahastu zuen eta Sergio Ramosek eta Ozilek, eta Jose Mourinho teknikariak eta Rui Faria prestatzaileak txartel gorriak ikusi zituzten.
Vila-real taldearentzat berdinketak zapore gozoa izan zuen, baina Real Madrilentzat porrota atzepauso nabarmena izan zen.
Zurien gola Cristiano Ronaldok lortu zuen, baina Marcos Sennak 1-1ekoa jarri zuen markagailuan. Miguel Angel Lotina bizkaitarrak puntu garrantzitsu bat eskuratu zuen Vila-realen aulkian izan duen estreinaldian.
