Futbola
DATA ALDAKETAK
LaLigak 23. jardunaldiko ordutegiak aldatu ditu
A. A. | EITB MEDIA
Errege Kopako final-laurdenetako norgehiagoken ondorioz, hainbat partida dataz aldatu behar izan dituzte, tartean lau euskal taldeenak.
-
LaLIgaako 23. jardunaldiko ordutegi berriak. Argazkia: @LaLiga
LaLigak 23. jardunaldiko ordutegiak aldatu ditu, Espainiako Futbol Federazioak Errege Kopako final-laurdenetako partiden datak jakinarazi ostean.
Gauzak horrela, euskal taldeen artean Alavesek jokatuko du lehenengo, otsailaren 5ean 14:00etatik aurrera, Elxen aurka.
Osasunak ere egun horretan bertan jardungo du; izan ere, eta Sevillaren bisita jasoko du Sadarren, 21:00etan.
Bestalde, Reala Valentziara joango da, otsailaren 6an (igandea) Bordalasen taldearekin aritzeko, 14:00etan.
Azkenik, Athleticek astelehenera arte itxaron beharko du Espanyolen aurkako partida jokatzeko, 21:00etan, San Mamesen.
MODIFICACIÓN | Consulta cuándo se disputarán finalmente los encuentros de la J23 de #LaLigaSantander. pic.twitter.com/gNMB5nyUBg
— LaLiga (@LaLiga) January 21, 2022
