'Klasikoak' urrian eta martxoan jokatzeko eskaera egin dute

Erredakzioa

Azken eguneratzea: 2012/05/11 10:02 (UTC+2)

Bi taldeen ustez, Txapeldunen Ligako finalerdietako partiden artean elkarren aurka jokatzeak kalte egin die. LFPk eta telebista operadoreak baizekoa eman dute. Federazioak hartuko du azken erabakia.

Arbeloa eta Messi Camp Nouko azken FC Bartzelona-Real Madril partidan. Argazkia: EFE

Whatsapp
Whatsapp
telegram
twitt
Bidali
Esteka kopiatu

Albisteak (3)

Txapeldunen Ligako finalerdietatik at geratu ziren Real Madril eta Bartzelona eta badirudi, bi taldeek ez dutela kanporatze hori gainditu. Bi klubek uste dute ez ziela mesede egin Txapeldunen aurkako finalerdien erdian elkarren aurka jokatzeak. Hau dela eta, Real Madril-Bartzelona edo Bartzelona-Real Madril partidak urrian eta martxoan jokatzea eskatu diote Futbol Liga Profesionalari eta Ligako eskubideak dituen telebista operadoreari.

BBVA Ligako egutegia egiterakoan zozketa zuzendua izaten da eta ez zozketa hutsa. Orain arte, ‘Klasikoak’ txapelketako lehen bi hilabeteetan ez jokatzea ahalegindu izan dira, ezta opor aldietan edo zubiak dauden asteetan.

Txapeldunen Ligako finaletik at geratu direnetik, minduta daude bi taldeak eta partida hauek urrian eta martxoan jokatzea eskatu dute. Bat diren Futbol Liga Profesionalak eta Ligako eskubideak dituen telebista opreadoreak baiezkoa eman diote proposamenari eta orain, Federazioak erabaki beharko du eskakizun hau onartzen duen edo ez.