Futbola
B Multzoa
Tentsio handiko neurketak 'heriotzaren' multzoan
Erredakzioa
Holandak eta Danimarkak lehen partida jokatuko dute 18:00etan. Bestalde, Alemaniak eta Portugalek debuta egingo dute norgehiagoka interesgarri batean (20:45).
-
Cristiano Ronaldo azken entrenamenduan. Argazkia: EFE
Alemaniako selekzioak hiru Eurokopa irabazi ditu, azkena 1996an, eta azken edizioan finala galdu zuen Espainiaren aurka. Portugal krisi txiki bat igarotzen ari dela ematen du, baina talde indartsua da. Txapelketako lehen partida handia da eta 'heriotzaren' multzoko etorkizuna erabakitzeko funtsezkoa izango da.
Mario Gomez Bayern Municheko aurrelaria eta Cristiano Ronaldo Real Madrileko izarra erabakigarriak izan daitezke. Portugalgo aurrelariak Txapeldunen Ligako porrotaren ostean mendekua hartzeko aukera du.
Ustezko hamaikakoak:
Alemania: Neuer; Boateng, Mertesacker, Badstuber, Lahm; Schweinsteiger, Khedira; Muller, Ozil, Podolski; Mario Gomez.
Portugal: Rui Patricio, Joao Pereira, Bruno Alves, Pepe, Coentrao; Nani, Meireles, Veloso, Moutinho, Cristiano Ronaldo; Postiga.
Holanda-Danimarka
Bestalde, Holandak eta Danimarkak lehenago neurtuko dituzte indarrak (18:00). Lau talde indartsuko multzo parekatu honetan porrot batek kanpoan geratzea ekar dezake.
Ustezko hamaikakoak:
Holanda: Stekelenburg; Van der Wiel, Heitinga, Bouma, Willems; Van Bommel, Sneijder, De Jong; Robben, Van Persie, Afellay.
Danimarka: Andersen; Jacobsen, Kjaer, Agger, Simon Poulsen; Eriksen, Kvist, Zimling; Krohn-Dehli, Bendtner, Rommedahl.
