Monreal da berritasuna Vicente Del Bosquek eman duen deialdian

Erredakzioa

Azken eguneratzea: 2012/08/10 12:54 (UTC+2)

Xavi Hernandez, Negredo eta Olinpiar Jokoetan parte hartu duten Javi Martinez, Jordi Alba, eta Juan Mata ez daude Puerto Ricoren aurkako partidarako zerrendan.

Nacho Monreal, berritasuna Vicente Del Bosquek emandako deialdian. Argazkia: EFE

Whatsapp
Whatsapp
telegram
twitt
Bidali
Esteka kopiatu

Albisteak (2)

Vicente Del Bosque Espainiako futbol selekzioko hautatzaileak, datorren abuztuaren 15ean Espainiak Puerto Ricoren aurka jokatuko duen partidarako deialdia jakinarazi du.

Xavi Hernandezi atsedena ematea erabaki du Del Bosquek, eta bi aurrelari eramatea erabaki duenez, ez du Negredo deialdian sartu. 2012ko Londreseko Olinpiar Jokoetan parte hartu duten Javi Martinez, Jordi Alba eta Juan Mata ere, deialditik at utzi ditu.

Nacho Monreal Malagako jokalaria da Vicente Del Bosqueren deialdiko berritasun nagusia. Fernando Llorente eta Xabi Alonso ere deialdian sartu ditu Espainiako hautatzaileak.

Espainiako selekzioaren deialdia:

Atezainak: Iker Casillas (Real Madril), Victor Valdes (FC Bartzelona) eta Pepe Reina (Liverpool).

Defentsak: Sergio Ramos (Real Madril), Alvaro Arbeloa (Real Madril), Raul Albiol (Real Madril), Gerard Pique (FC Bartzelona), Monreal (Malaga) eta Juanfran (Atletico Madril).

Erdilariak: Xabi Alonso (Real Madril), Andres Iniesta (FC Bartzelona), Sergio Busquets (FC Bartzelona), Cesc Fabregas (FC Bartzelona) eta Santi Cazorla (Arsenal).

Aurrelariak: David Silva (Manchester City), Jesus Navas (Sevilla), Pedro Rodriguez (FC Bartzelona), Fernando Llorente (Athletic Club) eta Fernando Torres (Chelsea).