Futbola
Bere aitaren adierazpenak
Falcaoren ametsa Real Madrilen jokatzea da
Erredakzioa
Radamel Garcia, Falcaoren aitak esan duenez, bere semeak txikitatik talde merengean jokatu nahi du. Florentino Perezek aurrelari kolonbiarra fitxatu nahi du datoren denboraldirako.
-
Radamel Falcao gol bat ospatzen. Argazkia: EFE
Radamel Falcaoren ametsa Real Madrilen jokatzea dela adierazi du Atletico Madrileko jokalariaren aitak. Radamel Garciak Kolonbiako Radio Todelar katean egin ditu adierazpen hauek.
“Txikitatik, bere ametsa Real Madrilen jokatzea da. Betidanik jokatu nahi izan du Real Madrilen”, adierazi du Falcaoren aitak.
Atletico Madrileko aurrelariaren aitak esan duenez, Chelsea eta Manchester City ari dira bere semea fitxatu nahian, baina Falcaok nahi duena Real Madrilen jokatzea omen da. “Chelsea eta Manchester City dabiltza nire semea fitxatu nahian, baina Falcaoren helburu nagusia Real Madrilen jokatzea da”, adierazi du Radamel Garciak.
Datorren denboraldirako Florentino Perezek duen lehentasuna Radamel Falcao fitxatzea da.
