Espainiak eta Frantziak I multzoko lidergoa dute jokoan

Erredakzioa

Azken eguneratzea: 2012/10/15 15:43 (UTC+2)

Bi selekzio hauek multzoko liderrak dira seina punturekin. Astearte honetan jokatuko da partida, 21:00etan.

Monreal, Javi Martinez, Beñat, Valdes eta Cazorla Espainiak Las Rozan egindako entrenamenduan. Argazkia: EFE

Whatsapp
Whatsapp
telegram
twitt
Bidali
Esteka kopiatu

Albisteak (1)

Espainiak erraz gainditu du Bielorrusia (4-0)

Espainiak Frantziaren aurka jokatuko du astearte honetan Vicente Calderonen (21:00etan). 2014ko Brasileko Munuduko Koparako sailkapen faseko partida jokatuko dute. Bi selekzioek seina puntu dituzte, eta I multzoko lidergoan berdinduta daude.

Frantziak eta Espainiak orain arte jokatutako bi partidak irabazi dituzte. Frantziarrek 0-1 irabazi zioten Finlandiari, eta 3-1eko emaitzarekin garaitu zuten Bielorrusia. Espainiak, aldiz, 0-1 irabazi zion Georgiari, eta 0-4ko emaitzarekin irabazi zion Bielorrusiari.

Frantziarrek Chantome, PSGko erdialiaren baja izango dute partida honetarako. Espainian Sergio Ramos da zalantza nagusia. Real Madrileko erdiko defentsa min hartuta dago, eta Vicente Del Bosquek argi utzi du, ondo ez badago ez duela jokatuko.

Ustezko hamaikakoak:

Espainia: Casillas; Arbeloa, Raul Albiol, Sergio Ramos, Jordi Alba; Busquets, Xabi Alonso, Xavi; Iniesta, Pedro eta Cesc.

Frantzia: Lloris; Debuchy, Koscileny, Sakho, Evra; Capoue, Galons, Matuidi; Valbuena, Benzema eta Ribery.

Epailea: Felix BRYCH (GER).
Zelaia: Vicente Calderon.
Ordua: 21.00etan.