Futbola
Adierazpenak
Xabi Alonso: 'Ligan sinesten jarraitzen dugu'
Erredakzioa
Tolosako jokalariak 'futbolak ezuteko asko' ematen dituela eta Bartzelonarekin duten 'aldea lehenbailehen txikiagotu' behar dutela azaldu du.
-
Xabi Alonso. Argazkia: EFE
Xabi Alonso Real Madrileko jokalariak taldeak Liga irabaztea sinesten jarraitzen duela azaldu du. Bartzelonak hamaika puntuko aldea du sailkapen nagusian, baina Tolosako erdilariak "futbolak ezusteko asko" ematen dituela azpimarratu du.
"Porrot baten ostean astea gogorra izango dela badakizu. Hala ere, futbolean analisiak azkeneko asteburua soilik kontuan hartuta egiten dira, eta guk konfiantzarekin jarraitzen dugu", esan du Xabi Alonsok.
"Txapeldunak izan gaitezke, oraindik asko falta delako eta emaitza lagundu ahal digutelako. Aldea ahalik eta lasterren murritzu behar dugu, apustuetan egon ez arren taldeak ahal duelako", adierazi du gipuzkoarrak.
"Azaroan gaude oraindik, eta hilabete asko gelditzen dira. Gauza ugari gerta litezke eta guk sinesten jarraitu behar dugu", esan du Alonsok.
