'Mailari eusteko 45 puntu behar ditugu, eta oraindik urrun gaude'

"Oinak lurrean ditugu, badakigu salbazioa lortzeko 45 puntu inguru behar ditugula, eta oraingoz urrun gaude. Futbolean alde txikia dago garaipenaren eta porrotaren artean, eta jokalariek jarrera berdinarekin jarraitu behar dute", adierazi du.

Granadari buruz honakoa esan du entrenatzaile frantziarrak: "Egoera kaskar batean dagoen taldeak motibatuta jokatu ohi du. Laburbilduz, ez dela erraza izango. Biek behar ditugu hiru puntuak", esan du.

Carlos Vela taldera itzuliko da aurreko astean zigortuta egon eta gero. Bestalde, Xabi Prieto barnealdean jarriko duela baieztatu du Montanierrek.