Reala
Interes handia
Arsenalek Asier Illarramendi fitxatu nahi du
Erredakzioa
Mutrikuko erdilaria Arsene Wenger entrenatzailearen gustukoa da, eta Londreseko taldea 12 milioi euro inguru ordaintzeko prest egon liteke.
-
Illarramendi. Argazkia: EFE
Arsenalek Asier Illarramendi fitxatu nahi du, eta Ingalaterrako taldea 12 milioi euro ordaintzeko prest egon liteke, ‘Daily Mail’ egunkaria britainiarraren arabera.
Londreseko talde mitikoak erdialdea indartzeko jokalariak behar ditu, eta Illarramendi Arsene Wengerren gustukoa dela dirudi. 21 urtez azpiko Europako Txapelketa lortu berri du Mutrikuko gazteak, eta Eurokopan eta denboraldian lan ikusgarria egin du. Gainera, Reala Txapeldunen Ligako postuetara eramateko gakoetako bat izan da, zalantzarik gabe.
Txuri-urdinarekin batera, Arsenalek Real Madrid taldeko Gonzalo Higuain argentinarra fitxatu lezake, Wengerrek aurrelari azkar bat nahi duelako datorren denboraldirako.
