Reala
Adierazpenak
Zurutuza: 'Celtak ez du bere estiloa aldatuko Anoetan'
Erredakzioa
Jokalari txuri-urdinaren ustez, Reala sasoi onean helduko da joko aldetik Luis Enriquek zuzendutako taldearen kontrako partidara.
David Zurutuza jokalariaren ustez Reala ondo egokitu daiteke Celtaren joko erasokorrari. Txuri-urdinek larunbatean hartuko dute Galiziako taldea, Anoetan, eta partida aurrera ateratzeko gai izango direla azaldu du.
"Ideiak oso argi dituzte, baloia ondo mugitzen dute, eta euren folosofiari edonon esuteko gai dira. Anoetara irabaztera etorriko dira", esan du Zurutuzak.
Luis Enriqueren taldeak ez duela 'bere estiloa aldatuko' ere, esan du txuri-urdinak. David Zurutuzak sasoi onean, eta taldea laguntzeko prest dagoela onartu du.
Gipuzkoako taldea sasoi onean dagoela azpimarratu du, nahiz eta Real Madrilen kontra jipoia jaso. "Joko aldetik partida onak egin ditugu, eta maila mantendu dezakegula uste dut", esan du txuri-urdinak.
Shakthar Donetsken aurkako Txapeldunen Ligako neurketarako konfiantza hartzeko ere Celtaren kontrako partida oso ondo etorriko zaiela azaldu du.
