Reala
Ostegunean, 20:00etan
Realak bere burua aurkitu nahi du berriro, Valladoliden kontra
Erredakzioa
Donostiako taldeak jaitsiera postuetan dagoen Valladolid hartuko du, azken partidetan galdutako oreka berreskuratzeko asmoz.
-
Jagoba Arrasate / EFE.
Realak bere burua aurkitu nahi du berriro, eta horretarako oreka berreskuratu beharko du Valladoliden aurka, jaitsiera postuetan dagoen aurkaria. Txuriurdinek azken hiru partidetatik bi galdu dituzte, Rayo Vallecanoren eta Almeriaren kontra, eta garaipena beharrezkoa dute Europako postuen borrokan jarraitzeko.
Sevilla bosgarren postuan sartu da, eta Jagoba Arrasateren taldeak etxetik kanpoan jasandako porroten boladari bukaera eman behar dio: 2014ko sei bisiten artean lau galdu ditu.
Valladolid talde egokia da, Donostian jokatutako azken bederatzi partidetatik zortzi galdu dituelako. Azken garaipena Anoeta zelaian 10 urte lortu zuten.
Atzean Arrasatek aldaketak egingo dituela dirudi, Almeriako defentsa lana hobetzeko. Jose Angel eta Joseba Zaldua hamaikakora itzuliko omen dira, Carlos Martinezen eta Alberto de la Bellaren ordez.
Valladoliden, Antonio Rukavina defentsara itzuliko da, eta ez dira Humberto Osorio, Heinz Barmetler, Lluis Sastre eta Javier Baraja egongo.
USTEZKO HAMAIKAKOAK
Reala: Bravo; Zaldua, Mikel Gonzalez, Iñigo Martinez, Jose Angel; Bergara, Xabi Prieto, Canales; Griezmann, Vela, Agirretxe.
Valladolid: Jaime; Rukavina, Rueda, Mitrovic, Peña; Rubio, Rossi, Jefren, Rama; Oscar, Javi Guerra.
