Reala
Madrilen geratu da
Ronaldo ez da Anoetan izango
Erredakzioa
Carlo Ancelottik atsedena ematea erabaki du. Atleticoren kontra sasoiko egotea nahi du italiarrak.
-
Ronaldok ez du Realaren kontra jokatuko. EFE
Realak Real Madril hartuko du igandean Anoetan. Jagoba Arrasateren mutilak Liga Europatik at geratu dira aste honetan, eta BBVA Ligako lehen jardunaldian Eibarren kontra galdu zuten Ipuruan.
Carlo Ancelottiren taldea ez da aurkari aproposena garaipena eskuratzeko, baina, gutxienez, Cristiano Ronaldo Madrilen geratu da, eta ez da Anoetan egongo.
Entrenatzaile italiarrak atsedena eman nahi izan dio: 'Ronaldo ondo dago, baina nahiago dugu aste honetan atsedena hartzea eta ez jokatzea. Ehuneko ehunean nahi dugu hurrengo asteetan, Atleticoren aurka eta Txapeldunen Ligan bere maila emateko'.
Ustezko hamaikakoak:
REALA: Zubikarai, Zaldua, Elustondo, Iñigo Martinez, De la Bella; Bergara, Vela, Pardo, Prieto, Canales; eta Agirretxe.
REAL MADRIL: Casillas, Carvajal, Rams, Pepe, Marcelo, Kroos, Modric, Isco, James, Bale eta Benzema.
