Reala
Krisia
Prieto: 'Realak hobe egin dezake eta konfiantza dut horretan'
ERREDAKZIOA
Realeko jokalaria ziur da bolada txarrari amaiera emango diotela, eta horretarako larunbat honetan Cordobaren aurka irabazi nahi dute.
Xabi Prieto Realeko kapitainak adierazi duenez, "taldeak gauzka hobe egin ditzake", eta beraz, horren esperantza du.
"Gertatzen ari zaiguna aztertzen gabiltza, eta autokritikoak gara, askoz gehiago eman dezakegulako", azaldu du erdilariak gaurko entrenamenduaren ostean.
Prietok larunbat honetan bertan eman nahi dio indar hori Realari, Cordoban irabazita.
"Taldean aldaketarik egon gabe irabazi nahi dugu", adierazi du gipuzkoarrak. Alegia, Prietoren ustez, entrenatzaile berri batek ez lituzke gauzak hobetuko. Bere ustez, akatsak jokalarien eta teknikoen artean partekatu behar dira eta ez ardura guztia pertsona bati bakarrik leporatu. Prietoren iritziz, askotan jokalariek entrenatzaileak baino erru gehiago eduki dezakete.
