Reala
Igandean, 12:00etan
Realak ezin du Levanteren aurka hutsik egin
Agentziak | Erredakzioa
David Moyes estu eta larri dabil emaitzak ez direlako batere onak, eta taldeak goal egiteko zailtasun nabarmenak dituelako. Reyes eta Jonathas baja dira, zigortuta baitaude.
-
Atleticoren aurkako porrotak min handia egin dio taldeari. Efe.
Realak eta David Moyes entrenatzaileak ezin dute hutsik egin Levanten, bertan galduz gero, donostiarren egoera asko ilunduko litzatekeelako.
Txuri-urdinek partida bakarra irabazi dute aurten etxetik kanpo (Granadan) eta arazo ugari dituzte gola egiteko. Defentsan ere, Liga sendo hasi zuten arren, gero eta arazo gehiago dauzkate.
Moyesen taldeak gol bakarra egin du azken hiru partidetan, eta, are okerrago, ia ez dute arriskurik sortu eta arazo hori ahalik eta lasterren konpondu behar dute.
Realak, gainera, bi baja garrantzitsu ditu Levanteren aurkako norgehiagokarako: Diego Reyes atzelariak eta Jonathas de Jesus aurrelariak ezin izango dute jokatu, zigortuta baitaude Atletico Madrilen aurkako partidan txartel gorri bana jaso ostean.
Ustezko hamaikakoak:
Levante: Rubén; Morales, Simao, Feddal, Juanfran; Toño, Lerma, Camarasa, José Mari; Roger eta Deyverson.
Reala: Rulli; Zaldua, Mikel González, Iñigo Martínez, Yuri; Illarramendi, Bergara, Zurutza; Canales, Agirretxe y Vela.
Epailea: Undiano Mallenco (nafarra).
Estadioa: Ciudad de Valencia.
Ordua: 12:00.
dua: 12:00.