Reala
Berdinketa Getafen
Eusebio: 'Guaitak guk gol gehiago egitea saihestu du'
Agentziak | Erredakzioa
"Lan ona egin dugula uste dut, hiru puntuak lortzeko moduan egon gara", esan du donostiarren entrenatzaileak.
-
Eusebio Sacristan, Realeko entrenatzailea. Argazkia: EiTB.
Eusebio Sacristan Realeko entrenatzaileak ostiraleko partidaren osteko prentsaurrekoan esan duenez, Vicente Guaita Getafeko atezainak donostiarren garaipena ekidin du.
"Lan ona egin dugula uste dut, hiru puntuak irabazteko moduan izan gara. Aukerak sortu ditugu eta Guaita bikain aritu da. Golen bat gehiago sartzea saihestu du", azaldu du Eusebiok.
Realeko jokalariek egindako lanarekin gustura agertu da Eusebio. Hala ere, momentu txarrak ere izan dituzte onartu du; Getafek, bigarren zatiaren hasieran, Sarabiaren bitartez partidako lehen gola egin duenean, hain zuzen.
"Egia da eurek aurretik jarri direnean 10 minutuko kaosa izan dugula. Kolpe hori hartzea zaila izan da, baina egoerari aurre egin diogu. Gureari ekin diogu, aukerak sortu ditugu eta hiru puntuak lortzeko borrokatu dugu. Azkenean bakarra atera dugu".
ra atera dugu".