Reala
2-1
Reala-Numantzia: Hiru puntu garrantzitsu donostiarrentzat
Jon Lopez
Erredakzioa
Numantziak merituak egin ditu, eta Realak golak. Garaipenak igoera postuetan finkatu ditu donostiarrak, bederatzi puntuko aldea baitute laugarren postuarekiko.-
Numantziak ondo kokatuta ekin zion neurketari eta jokoan nagusi ziren bisitariak. Gonzalo Arconadaren jokalariek baloiaren jabetza zuten eta arrisku urriko gol abaguneak sortu zituzten, Claudio Bravo lan egitera behartu ez zutenak.
Soriarren nagusitasuna erabatekoa zen, baina aukerarik argiena Ansotegirentzat izan zen. Realeko atzelariaren burukada ozta-ozta gelditu zuen Edu Navarro atezain bisitariak.
30. minutuan lehenengo gola heldu zen. Griezmannek donostiarren gola egin zuen, Reala unerik txarrenean zenean.
Hamar minutu geroago, lehen zatiko 38. minutuan, Goiriak banakoa egin zuen. Hirugarren aldaratzea sare barrura bidali zuen aurrelari euskaldunak. Nahiz eta gola jaso, emaitza ona zen Realarentzat egindako lanak ikusita.
Bigarren zatia, lehenengoaren antzera hasi zen. Baloia bisitariena zen eta arrisku gabeko aukerak, ere. Lehen zatian bezala.
56. minutuan, De la Bellak bigarrena egin zuen. Arean galdutako baloi bat harrapatu eta sare barrura bidali zuen bere lehenengo gola eginez.
Markagailua ez zen gehiago mugitu. Realak ez zuen partida ona jokatu, eta Numantzia askoz hobeto aritu zen, baina futbolean golek balio dute eta etxekoek bisitariek baino bat gehiago egin zuten. Hiru puntu garrantzitsu, eta Lehenengo Maila, hurbilago.
Fitxa teknikoa:
2.- Reala: Bravo; Carlos Martínez, Labaka, Ansotegi, De la Bella; Rivas, Elustondo (Zurutuza, 61''), Griezmann (Nsue, 79''), Xabi Prieto (Bergara, 82''), Aranburu; Agirretxe.
1.- Numancia: Eduardo; Javi Flaño, Jaio, Pavón (Nagore, 73''), Balenziaga; Palacios, Del Pino, Alvaro (Mario, 80''), Barkero; Goiria (Lago Junior, 73''), Vélez.
Goles: 1-0, 30'': Griezmann; 1-1, 40'': Goiria; 2-1, 56'': De la Bella.
Horrela bizi izan dugu partida eitb.com-en.
