Osasuna-Reala (3-1): Derbia, nafarrentzat

Osasunak denboraldiko aurreneko garaipena lortu du&' || 'nbsp;Realari aise irabazita (3-1)&' || 'nbsp;Reyno de Navarra futbol-zelaian. Tamudok aurretik jarri ditu donostiarrak aurreneko zatian, baina Pandiani, Camuñas eta Aranda gorritxoek markagailuari buelta eman diote.

Osasuna Reala baino hobeto zelairatu da. Camachorenak, baina, gol-abagune gutxi izan dituzte, pase eta jaurtiketa ugari huts egin baitituzte.

Partidako 16. minutuan, Raul Tamudok denboraldiko bere hirugarren gola egin du Puñalen aldaratze bat hartu ondoren, Ricardo lasaitasunez gaindituta.

Golak Osasuna eta bere zaleak zalantzaz bete ditu, talde gorritxoaren erreakzioa heltzen ez zela ikusten baitzuten. Lasarterenak, bestalde, kontraerasora saiatzen ziren baina paseetan ez dira batere fin ibili, aukera ugari ezerezean utzita.

Osasunak, baina, lanari eta kemenari heldu dio eta Bravoren ate ingurua hurbildu da sarriago. Sortutako aukeretako batean, Walter Pandianik Osasunaren denboraldiko aurrenko gola egin du, Monrealen erdiraketa bat sarera bidalita burukada eder batekin (37. min.).

Gorritxoen kemena ez da baretu eta lanean jarraitu dute Camachorenek. Saria jaso dute 42. minutuan. Juanfranek jokaldi ederra egin du eta Camuñasi baloia erdiratu dio. Erdilariak ez du aukera alferrik galdu eta gola egin du maisutasunez baloia bultzatuta.

Bigarren zatiaren hasieran erritmoak ez du behera egin. Realak ordenik ez zuen eta Osasunak donostiarrak estutzen jarraitu du. Merezimenduak pilatzen hasita, gorritxoek merezi zuten gola.

Eta heldu da gola. 74. minutuan Lekicen ordez zelairatutako Arandak Osasunaren hirugarrena egin du, buruz berak hasitako jokaldia amaituta. Azken golak erabakita utzi du neurketa.

3-1ekoarekin, Osasunak bere lehenengo garaipena lortu eta bere laugarren puntua batu du, sailkapenean Realarekin berdinduz lau punturekin.

Horrela bizi izan dugu derbia eitb.com-en.