Xabi Prieto: 'Realak denboraldi polita egiteko aukera ona du'

Realeko jokalari ohiak, taldeak Asier Garitanoren agindupean 'denboraldi polita' egiteko aukera ona duela adierazi du. Hala ere, Anoetan garaipenak lortzeak duen garrantzia azpimarratu du, momentuz, Donostian jokatutako 3 partidetan puntu bakarra lortu duelako.

'Oraindik etxeko partidak irabaztea betebehar gisa hartu behar dugu; hori hobetuz gero, Realak denboraldi bikaina egin dezake', azaldu du Xabi Prietok Madrilen LaLigako enbaxadore izendatu duten ekitaldian.

Estatu Batuetan LaLigak jokatu nahi duen partidaren inguruan bere iritzia ere eman du Xabik. Haren aburuz, beste herrialde batean jokatzea guztion onurarako izango dela da: 'Jokalari ohia naizen moduan ideia ona dela pentsatzen dut, batek daki Bartzelonako edo Gironako jokalariek honen inguruan zer pentsatzen duten'.

Ekitaldiari amaiera emanez, Real Madril edo Bartzelona ez den beste txapeldunik ikustea 'oso zaila' iruditzen zaiola gaineratu du, baina, hala ere, txapeldun berrien ideia ondo legokeela ere zehaztu izan du.