Reala
Astelehenean 21:00etan
Reala-Mallorca: Xabi Prieto itzuliko da
Erredakzioa
Prietok hasieratik jokatuko du. Hori izango da Lasartek egingo duen aldaketa bakarra Osasunaren aurka zelairatutako hamaikakoarekin aldaratuta. Carlos Martinez zerrendatik at geratu da.
Realak Mallorca hartuko du astelehen honetan Anoetan BBVA Ligako 24. jardunaldiko azken partidan (21:00etatik). Igandeko entrenamenduaren ostean deialdia eskaini du Martin Lasarte entrenatzaileak. Nobedade bakarra dago: zigortuta egon den Xabi Prieto itzuli da. Carlos Martinez, ordea, zerrendatik kanpo geratu da.
Prietok hasieratik jokatuko du gainera. Hori izango da Lasartek egingo duen aldaketa bakarra Osasunaren aurka zelairatutako hamaikakoarekin aldaratuta. Prietok Sarpongen ordez jokatuko du.
Ustezko hamaikakoak:
Reala: Bravo; Estrada, Ansotegi, Demidov, De la Bella; Rivas, Aranburu, Xabi Prieto, Griezmann, Zurutuza; Tamudo.
Mallorca: Aouate; Cendros, Ruben, Nunes, Kevin; Pereira, Marti, De Guzman, Castro; Nsue eta Webo.
Futbol-zelaia: Anoeta. (astelehenean 21:00etan)
Epailea: Rubinos Perez.
