Reala-Hercules, (1-3): Porrota eta itxura tristea

Partida hasieran Hercules izan zen baloiaren jabe eta Reala lokartuta zelairatu zen. Txuri-urdinei kosta egin zitzaien partidan sartzea eta azken minutuetan soilik sortu zuen arriskua aurkariaren ate aurrean. Norgehiagokako 21. minutuan Claudio Bravok erantzun bikaina eman zion Juanraren burukadari eta bisitarien gola eragotzi zuen. Realak azken momentuetan soilik sortu zuen arriskua. Calatayudek Realaren gola eragotzi zuen Aranbururen jaurtiketari 36. minutuan erantzun ona emanda. Atsedenaldira iritsi orduko talde bisitariko atezainak Griezmannen erremateari ondo erantzun zion. Horrenbestez, ia gol aukerarik gabeko lehen zatia 0-0eko emaitzarekin bukatu zen.

Bigarren zatian ere gol aukerak urriak izan ziren. Partidak kaskarra izaten jarraitu zuen, baina golak egon ziren eta hori izan zen ikusgarriena.

Partidak izan zituen lau goletatik hiru Herculesek sartu zituen. Lehenengoa 70. minutuan etorri zen. Realak kale egin zuen defentsan eta Portillok buruz sartu zuen 0-1ekoa. Gola hartu ondoren Realak ez zuen erreakzionatu eta Herculesek egoera aprobetxatu zuen bigarren gola egiteko. Drenthek area hertzetik egindako jaurtiketa baten bitartez 0-2koa ezarri zuen markagailuan. Gol horrek min egin zion Realari. Herculesek, ordea, lasaiago jokatu zuen eta zuloak aprobetxatuz partida guztiz erabakita utzi zuten 88. minutuan. Drenthek bere bigarren gola sartu zuen eta 0-3koa igo markagailura kontraerasoa bikain burututa. Baziruedien partida emaitza horrekin bukatu behar zela, baina Ifranek 93. minutuan markagailua txukundu zuen 1-3koa sartuta.

Porrot honekin (1-3) Reala jaitsiera postuetaik sei puntura dago orain eta jaistiera postua Herculesek berak markatzen du 30 punturekin.&' || 'nbsp;Gol-averagea galduta dute txuri-urdinek Alakanteko taldearekin.

Fitxa teknikoa:

1 - Reala:Bravo; Carlos Martinez, Ansotegi, Mikel Gonzalez, De la Bella (Labaka,min. 28); Rivas (Ifran, min. 73), Aranburu, Xabi Prieto, Griezmann(Sarpong, min. 73), Zurutuza; Tamudo.

3 - Hercules:Calatayud; Juanra, Peña, Paz, Cortés; Farinos (Sendoa, min. 56),Drenthe, Abel Aguilar, Kiko (Rufete, min. 75); Portillo (Cristian, min.84) eta Valdez.