Reala
Igandean, 22:00etan
Realak garaipenen boladara itzuli nahi du Real Madrili irabazita
Erredakzioa
Partida igandean jokatuko da Reale Arenan, 22:00etan. Talde txuri-urdinak jokatzeko prest izango du Mikel Merino, baina Zaldua zigortuta dago.
-
Realeko jokalariak, Real Madrilen aurka Kopan lortu zuten garaipena ospatzen. Argazkia: EFE
Realak Real Madril izango du aurkari igande honetan, 22:00etan Reale Arenan, Santander Ligako 30. jardunaldiari dagokion partidan. Liga berriz hasi denetik, talde txuri-urdinak neurketa bat berdindu eta beste bat galdu du.
Imanol Alguacil Realeko entrenatzaileak ostegunean adierazi zuen taldeari kalte egin diola konfinamenduak, eta geldialdiaren aurreko maila eta dinamika ona berreskuratzea du helburu. Iganderako, Mikel Merino jokatzeko prest izango du, Alavesen aurka ezin izan baitzuen jokatu zigortuta egon zelako. Bestalde, Zaldua egotzia izan zen Mendizorrotzan eta ezingo du jokatu. Gorosabelek jokatuko du Zalduaren ordez, Monreal hasierako hamaikakora itzuliko da, eta Isakek hasieratik jokatzeko aukerak ditu azken partidetan titularra izan den Willian Joseren ordez.
Bestalde, Real Madrilek lidertza berreskuratzeko aukera du garaipena lortuz gero. Zinedine Zidanek zuzentzen duen taldeak bitik bi garaipen erdietsi ditu Liga berriz hasi denetik. Isco, Nacho, Lucas Vazquez eta Jovic futbolariek ezingo dute jokatu, min hartuta baitaude.
Ustezko hamaikakoak:
Reala: Remiro; Gorosabel, Aritz, Llorente, Monreal; Zubeldia, Merino, Odegaard; Portu, Willian Jose eta Oyarzabal.
Real Madril: Courtois; Carvajal, Varane, Sergio Ramos, Marcelo; Casemiro, Valverde, Kroos; Vinicius, Hazard eta Benzema.
Epailea: Estrada Fernandez.
Zelaia: Reale Arena.
Ordua: 22:00etan.
