Reala-Bartzelona: Txuri-urdinak, balentriaren bila

Realak oso erronka zaila izango du larunbat honetan, egungo talderik indartsuenetariko bati aurre egitea, Bartzelonari. Montanierrek badaki gauzak oso ondo egin beharko dituztela aukeraren bat izateko baina hala ere ez da kikilduko.

Mota honetako partidak prestatzeko eta Bartzelona geratzeko botika egoki bila buruhauste handiak izaten dituzte entrenatzaileek. Izan ere Bartzelonak punta puntako izarrez beteriko taldea du eta akatsik txikiena ere garesti ordaintzen da beraiekin.

Kontuak kontu, Reala, bere lana ondo egiten eta posible izanez gero, ezustekoa ematen saiatuko da. Gainera txuri-urdinek badakite zer den Bartzelonari irabaztea.

Ustezko hamaikakoak:

Reala: Bravo; Estrada, Demidov, Iñigo Martinez, De laBella; Illarramendi, Xabi Prieto, Zurutuza, Aranburu, Ifran eta Agirretxe.

Bartzelona: Valdes; Alves, Mascherano, Busquets, Abidal; Keita, Cesc Fabregas, Iniesta; Pedro, Alexis eta Messi.

Epailea: Mateu Lahoz
Futbol-zelaia: Anoeta.
Ordua: 18:00