Publizitatea
Itxi

2020/07/22

12:07

Reala

Kontratua berritu du

Mikel Merino, txuri-urdin 2025era arte

eitb.eus

Jokalaria oso pozik da Realean. "Berriztatze hau gauza zoragarria da, eta oso pozik nago. Hemen luzaroan egotea gustatuko litzaidake".

0:54
Mikel Merino eta Jokin Aperribay. Bideotik ateratako argazkia
  • Whatsapp
  • Whatsapp
  • Telegram
  • Bidali

Reala eta Mikel Merino akordioara heldu dira eta nafarra 2025era arte sinatu du talde txuri-urdinarekin.

Web atarian iragarri du klubak albistea.

Honako hau da Realak idatzitakoa:

Mikel Merino da Realaren irudia. Gaztea da, kalitate ikaragarrikoa, eta gose da hazten jarraitzeko eta asmo handiko helburuak lortzeko. Erdilari nafarrak kontratua berritu du talde txuri-urdinarekin 2025era arte eta merezitako oporrak ditu dagoeneko. Datorren ikasturterako pilak kargatu behar dira, familia txuri-urdin guztiarentzat liluragarria den denboraldirako, alegia.

Realean jarraitzeagatik eta LaLiga zapore honekin amaitu izanagatik ezin zoriontsuago agertu da. "Handia izan da guztiontzat, poz itzela. Futbolak zerbait zor zigun egiten ari ginen urteagatik eta estadioan sortutako ilusioagatik. Azkenean zortea gure ondoan egon da eta amaiera zoriontsua izan da guztiontzat ", aitortu du.

Mikel oso zoriontsua da Realean. "Etxean sentitzen naiz, primeran tratatua, zaleengatik, taldekideengatik, hiriko jendearengatik. Hori iristen zait eta zoriontsu zaren lekuan, bertan egon nahi duzu. Berriztatze hau gauza zoragarria da, eta oso pozik nago. Hemen luzaroan egotea gustatuko litzaidake", esan digu ezkerrak.

Ezin hobeto adierazten du talde honek duen anbizioa. "Ilusioa dagoenean eta proiektuan sinesten denean, aurten gertatu direnak bezalako gauza politak gertatzen dira. Talde gaztea eta anbizio handikoa gara, eta helburu berriak betetzen jarraitu nahi dugu. Aurretik datorrena oso polita da eta horren bila goaz ", gaineratu du.

 

  • Bisitatuena

      Kargatzen ikusiena
      Kargatzen ikusiena