Reala
Igandean Athleticen kontra
Xabi Prieto: 'Derbia urteko partida politenetako bat da'
Erredakzioa
Athletic "zailtasun handiekin" ikusi du orain arte, baina maila handiko jokalariak dituela azpimarratu du: "Adi egon beharra daukagu".
-
Imagen de archivo de Xabi Prieto. Foto: EFE
Realeko Xabi Prietok Mallorcaren aurkako porrota ahaztu nahi du. Igandeko derbian du orain burua (igandean, Anoetan 12:00etatik aurrera). Erdilariarentzat "urteko partida politenetako bat" da.
Athleticen aurka jokatzeko irrikitan dago talde txuri-urdina, "gogo handiekin". Garaipen batek denboraldi hasiera ona berretsiko lukeela uste du. Ontzat ematen ditu Prietok Realak bost partidetan batutako zazpi puntuak.
Athletic "zailtasun handiekin" ikusi du orain arte Realeko jokalariak, baina "adi egon" behar dutela ohartarazi du: "Baloiaren jabetza badute eta kalitate handiko jokalariak, ezin dugu hori ahaztu. Adi egon beharra daukagu", adierazi du.
