Reala
Zubietan
Agirretxe: 'Lasai eta zalantzarik gabe gaude'
Erredakzioa
Athleticen aurkako porrotak taldea minduta utzi duela onartu du Usurbilgo aurrelariak, baina denboraldiaren hasieran daudela gogoratu du txuri-urdinak.
-
Agirretxe. Argazkia: EITB
Athleticen aurka Anoetan jasotako porrota orainik ez dute txuri-urdinek ahaztu. Imanol Agirretxe aurrelariak porrotak min egin diola onartu du prentsaurrekoan, baina liga hasi besterik ez dela egin argi utzi du. "Taldean ez dago zalantzarik, jardunaldi gutxi jokatu baititugu" azaldu du jokalari txuri-urdinak. Lortutako puntuen garrantzia azpimarratu du gainera Agirretxek: "Denboraldiaren hasieran gaude eta taldea lasai dago. Egutegia begiratuz gero puntu garrantzitsuak lortu ditugu".
