Realak Zaragozaren aurkako partida prestatzen jarraitzen du

Reala astelehenean hasi zen Zaragozaren kontrako partida prestatzen. Eta gaur ere lan saioa egin dute txuri-urdinek Zubietan.

Intentsitate handiko entrenamendua egin du Realak, jokalari guztiak egon ez badira ere. Batzuk beraien selekzioekin daude, eta beste hainbat, min hartuta.

Vela eta Ifran bere kabuz entrenatu dira gaur ere. Elustondo gainerako taldekideekin batera aritu zen atzo eta, gaur, berriz, aparte entrenatu da. Illarramendi ez da zelairatu, gimnasioan lan egin baitu.