Publizitatea
Itxi

2020/12/22

13:45

Reala

AKZIONISTEN BATZARRA

Realak 110 milioi euroko aurrekontua aurkeztuko du hurrengo kanpainerako

AGENTZIAK | EITB Media

Klub donostiarrak Akzionisten Batzarra telematikoa ospatuko du asteazkenean; Taldearen egoera ona ikusita, ziurrenik, proposamenak ia %100ek onartuko dituzte.

  • Jokin Aperribay

    Jokin Aperribay

  • Whatsapp
  • Whatsapp
  • Telegram
  • Bidali

Realak Akzionisten Batzarra telematikoa ospatuko du asteazkenean eta 110 milioi euroko aurrekontua aurkeztuko du hurrengo kanpainerako, historiako altuenetarikoa, nahiz eta 7 milioi gutxiago irabaziko dituen.

Jokin Aperribayk zuzentzen duen Administrazio Kontseiluaren kontuek eta proiektuek oposiziorik izango ez dutela espero da. Taldearen egoera ona ikusita, ziurrenik, batzar lasaia izango da eta proposamenak ia %100ek onartuko dituzte, aurreko urteetan gertatu den bezala.

Klub donostiarraren altxortegia egoera onean dago, izan ere, 33 milioi jaso zituen Juanmi Jimenezen transferentziagatik Betisera, Antoine Griezmann Bartzelonara joateagatik, eta Gero Rulli Montpellier taldeari eta Raul Navas Osasunari uzteagatik.

Aurtengo kanpainerako 109 milioi euroko gastuak aurreikusi ditu, eta arazoak ez badaude, 800.000 euroko irabaziekin itxiko du 2021eko ekaina, beti ere osasun krisiaren eboluzioaren arabera.

Jokalarien soldatak 54 milioietara igotzen dira, eta Realak 13 milioi gehiago jasoko dituela espero du, Europa Ligan parte hartzeagatik. Hala ere, txapelketan jarraitzea ez du erraza izango, Manchester United izango baita bere hurrengo aurkaria.                                                                                                                                                                       

  • Bisitatuena

      Kargatzen ikusiena
      Kargatzen ikusiena
    ;